Jo samar men ho gae amar, main unkee yaad men

jo samar meṅ ho gae amar, maiṅ unkī yād meṅ
gā rahī hūṇ āj śhradhdhāṇjlī-gīt dhanyvād meṅ

jo samar meṅ ho gae amar …

lauṭ kar na āeṅge vijay dilāne vāle vīr
mere gīt aṅjlī meṅ unke lie nayan-nīr
saṅg phūl-pān ke
rṇg haiṅ niśhān ke
śhūr vīr ān ke
jo samar meṅ ho gae amar …

vijay ke phūl khil rahe haiṅ, phūl adh-khile jhare
unke khūn se hamāre khet-bāg-ban hare
dhruv haiṅ k‌rāṇti-gān ke
sūry nav-vihān ke
śhūr vīr ān ke
jo samar meṅ ho gae amar …

vo gae ki rah sake svtaṅtrtā svdeṣh kī
viśhv bhar meṅ mānytā ho muk‌ti ke saṅdeśh kī
prāṇ deśh-prāṇ ke
mūrti svābhimān ke
śhūr vīr ān ke

jo samar meṅ ho gae amar, maiṅ unkī yād meṅ
gā rahī hūṇ āj śhradhdhāṇjlī-gīt dhanyvād meṅ