Idamde yadamdu gaambo leliga bamtunu nairi

Title (Indic)	ఇతఁడే యతఁడు గాఁబో లేలిక బంటును నైరి
Work	Annamayya songs
Language	Telugu

Credits
Role	Artist
Writer	Annamacharya

Lyrics

Telugu

(॥పల్లవి॥)
ఇతఁడే యతఁడు గాఁబో లేలిక బంటును నైరి
మితిలేని రాఘవుఁడు మేఁటి హనుమంతుఁడు

(॥ఇత॥)
జలధి బంధించి దాఁటె చలపట్టి రాఘవుఁడు
అలరి వూరకే దాఁటె హనుమంతుఁడు
అలుకతో రావణుని యద టణఁచె నతఁడు
తలఁచి మైరావణుని దండించె నితఁడు

(॥ఇత॥)
కొండ వెల్లగించెఁ దొల్లి గోవర్ధనుఁ డతఁడు
కొండతో సంజీవియెత్తెఁ గోరి యితఁడు
గుండు గరఁచె నహల్యకొరకు సీతాపతి
గుండు గరఁగఁగఁ బాడె కోరి యితఁడు

(॥ఇత॥)
అంజనా చలముమీఁద నతఁడు శ్రీ వేంకటేశుఁ
డంజనీ తనయుఁ డాయ ననిలజుఁడు
కంజాప్తకులరామఘనుఁడు దానును దయా -
పుంజమాయ మంగాబుధి హనుమంతుడు

English

(||pallavi||)
idam̐ḍe yadam̐ḍu gām̐bo leliga baṁṭunu nairi
midileni rāghavum̐ḍu mem̐ṭi hanumaṁtum̐ḍu

(||ida||)
jaladhi baṁdhiṁchi dām̐ṭĕ salabaṭṭi rāghavum̐ḍu
alari vūrage dām̐ṭĕ hanumaṁtum̐ḍu
alugado rāvaṇuni yada ṭaṇam̐sĕ nadam̐ḍu
talam̐si mairāvaṇuni daṁḍiṁchĕ nidam̐ḍu

(||ida||)
kŏṁḍa vĕllagiṁchĕm̐ dŏlli govardhanum̐ ḍadam̐ḍu
kŏṁḍado saṁjīviyĕttĕm̐ gori yidam̐ḍu
guṁḍu garam̐sĕ nahalyagŏragu sīdābadi
guṁḍu garam̐gam̐gam̐ bāḍĕ kori yidam̐ḍu

(||ida||)
aṁjanā salamumīm̐da nadam̐ḍu śhrī veṁkaḍeśhum̐
ḍaṁjanī tanayum̐ ḍāya nanilajum̐ḍu
kaṁjāptagularāmaghanum̐ḍu dānunu dayā -
puṁjamāya maṁgābudhi hanumaṁtuḍu

You are here

Lyrics

Lyrics search

Other songs