వలచి పై కొనఁగరాదు వలదని తొలఁగరాదు
(॥పల్లవి॥)
వలచి పై కొనఁగరాదు వలదని తొలఁగరాదు
కలికి మరుఁడు సేసినాజ్ఞ కడవఁగరాదురా
(॥వలచి॥)
అంగడి కెత్తినట్టిదివ్వె లంగనముఖాంబుజములు
ముంగిటి పసిఁడికుంభములును ముద్దులకుచయుగంబులు
యెంగిలిసేసినట్టితేనె లితవులైన మెఱుఁగుమోవులు
లింగములేని దేహరములు లెక్కలేని ప్రియములు
(॥వలచి॥)
కంచములోని వేఁడికూరలు గరువంబులుఁ బొలయలుకలు
యెంచఁగ నెండలోనీడలు యెడనెడకూటములు
తెంచఁగరాని వలెతాళ్ళు తెలివిపడనిలేఁతనవ్వులు
మంచితనములోని నొప్పులు మాటలలోనిమాటలు
(॥వలచి॥)
నిప్పులమీఁద జల్లిననూనెలు నిగిడితనివిలేనియాసలు
దప్పికి నేయిదాగినట్లు తమకములోనితాలిమి
చెప్పఁగరానిమేలు గనుట శ్రీవేంకటపతిఁ గనుటలు
అప్పనికరుణగలిగి మనుట అబ్బురమైనసుఖములు
(||pallavi||)
valasi pai kŏnam̐garādu valadani tŏlam̐garādu
kaligi marum̐ḍu sesinājña kaḍavam̐garādurā
(||valasi||)
aṁgaḍi kĕttinaṭṭidivvĕ laṁganamukhāṁbujamulu
muṁgiḍi pasim̐ḍiguṁbhamulunu muddulagusayugaṁbulu
yĕṁgilisesinaṭṭidenĕ lidavulaina mĕṟum̐gumovulu
liṁgamuleni deharamulu lĕkkaleni priyamulu
(||valasi||)
kaṁchamuloni vem̐ḍigūralu garuvaṁbulum̐ bŏlayalugalu
yĕṁcham̐ga nĕṁḍalonīḍalu yĕḍanĕḍagūḍamulu
tĕṁcham̐garāni valĕdāḽḽu tĕlivibaḍanilem̐tanavvulu
maṁchidanamuloni nŏppulu māḍalalonimāḍalu
(||valasi||)
nippulamīm̐da jallinanūnĕlu nigiḍidanivileniyāsalu
dappigi neyidāginaṭlu tamagamulonidālimi
sĕppam̐garānimelu ganuḍa śhrīveṁkaḍabadim̐ ganuḍalu
appanigaruṇagaligi manuḍa abburamainasukhamulu