(॥పల్లవి॥)
హీనదశలఁ బొంది యిట్ల నుండుటకంటె
నానావిధులను నున్ననాఁడే మేలు
(॥హీన॥)
అరుదైన క్రిమికీటకాదులందుఁ బుట్టి
పరిభవములనెల్లఁ బడితిఁ గాని
యిరవైనచింత నాఁడింతలేదు యీ-
నరజన్మముకంటె నాఁడే మేలు
(॥హీన॥)
తొలఁగక హేయజంతువులయందుఁ బుట్టి
పలువేదనలనెల్లఁ బడితిఁగాని
కలిమియు లేమియుఁ గాన నేఁ డెఱిఁగి
నలఁగి తిరుగుకంటె నాఁడే మేలు
(॥హీన॥)
కూపనరకమున గుంగి వెనకకు నేఁ
బాపవిధులనెల్లఁ బడితిఁగాని
యేపునఁ దిరువేంకటేశ నా కిటువలె
నాపాలఁ గలిగినాఁడే మేలు
(||pallavi||)
hīnadaśhalam̐ bŏṁdi yiṭla nuṁḍuḍagaṁṭĕ
nānāvidhulanu nunnanām̐ḍe melu
(||hīna||)
arudaina krimigīḍagādulaṁdum̐ buṭṭi
paribhavamulanĕllam̐ baḍidim̐ gāni
yiravainasiṁta nām̐ḍiṁtaledu yī-
narajanmamugaṁṭĕ nām̐ḍe melu
(||hīna||)
tŏlam̐gaga heyajaṁtuvulayaṁdum̐ buṭṭi
paluvedanalanĕllam̐ baḍidim̐gāni
kalimiyu lemiyum̐ gāna nem̐ ḍĕṟim̐gi
nalam̐gi tirugugaṁṭĕ nām̐ḍe melu
(||hīna||)
kūbanaragamuna guṁgi vĕnagagu nem̐
bābavidhulanĕllam̐ baḍidim̐gāni
yebunam̐ diruveṁkaḍeśha nā kiḍuvalĕ
nābālam̐ galiginām̐ḍe melu