Sadivevi vedamu laasaaramu madim battadu

Title (Indic)	చదివేవి వేదము లాచారము మదిఁ బట్టడు
Work	Annamayya songs
Language	Telugu

Credits
Role	Artist
Writer	Annamacharya

Lyrics

Telugu

(॥పల్లవి॥)
చదివేవి వేదము లాచారము మదిఁ బట్టడు
మదనాతురుఁడ నాకు మంచితన మేది

(॥చదివే॥)
ముట్ట యోగ్యము గానివి మోచితిఁ దోలు నెమ్ములు
అట్టె బ్రతికేననే ఆసలు బెట్టు
జట్టిగాఁ బ్రాణము తీపు చావంటే వెలుతు నేను
యిట్టి యజ్ఞానికి జ్ఞాన మెట్టు గలిగీని

(॥చదివే॥)
కావలె ననుచుఁ గోరి కడుపు నించిన రుచి
యీపల హేయమై వెళ్లీ యేఁ జూడగానే
దావతి మనసందుకే తగిలీఁ గాని రోయదు
భావించి నన్నెంఱుఁగని భావ మెఱిఁగీనా

(॥చదివే॥)
యోని గతుఁడనై పుట్టి యోనికి మగ్నుఁడనైతి
పూని లోకబండఁ డనే బుద్దెఱిఁగీ
నేనా యెంత సిగ్గెబుఁగ నీవే విచారించి కావు
శ్రీనిథి శ్రీ వేంకటేశ చేతిలోని వాఁడను

English

(||pallavi||)
sadivevi vedamu lāsāramu madim̐ baṭṭaḍu
madanādurum̐ḍa nāgu maṁchidana medi

(||sadive||)
muṭṭa yogyamu gānivi mosidim̐ dolu nĕmmulu
aṭṭĕ bradigenane āsalu bĕṭṭu
jaṭṭigām̐ brāṇamu tību sāvaṁṭe vĕludu nenu
yiṭṭi yajñānigi jñāna mĕṭṭu galigīni

(||sadive||)
kāvalĕ nanusum̐ gori kaḍubu niṁchina rusi
yībala heyamai vĕḽlī yem̐ jūḍagāne
dāvadi manasaṁduge tagilīm̐ gāni royadu
bhāviṁchi nannĕṁṟum̐gani bhāva mĕṟim̐gīnā

(||sadive||)
yoni gadum̐ḍanai puṭṭi yonigi magnum̐ḍanaidi
pūni logabaṁḍam̐ ḍane buddĕṟim̐gī
nenā yĕṁta siggĕbum̐ga nīve visāriṁchi kāvu
śhrīnithi śhrī veṁkaḍeśha sediloni vām̐ḍanu

You are here

Sadivevi vedamu laasaaramu madim battadu

Lyrics

Lyrics search

Other songs