Le damduvallam delivi yennadigini

Title (Indic)	లే దందువల్లఁ దెలివి యెన్నటికిని
Work	Annamayya songs
Language	Telugu

Credits
Role	Artist
Writer	Annamacharya

Lyrics

Telugu

(॥పల్లవి॥)
లే దందువల్లఁ దెలివి యెన్నటికిని
నీ దయ నాపై నించినఁ గాని

(॥లేదం॥)
అరయఁగఁ బ్రపంచ మలవడినటువలె
అరుదగు వై రాగ్య మలవడదు
తరుణులరతి మతిఁ దలఁచినయటువలె
ధర నీ సాకారము దలఁచదు మనసు

(॥లేదం॥)
గొనకొన్న యర్థము గోరినయటువలె
కొనయగు మోక్షము గోరదు
తనుభోగములకుఁ దగిలినయటువలె
తనిసి నీకథలకుఁ దనియదు మనసు

(॥లేదం॥)
చలమును బాపము చవియైనటువలె
సలలితపుణ్యము చవిగాదు
సులభ శ్రీవేంకటేశుఁడ నీమహిమిది
గలిగితివి నాకుఁ గలఁగదు మనసు

English

(||pallavi||)
le daṁduvallam̐ dĕlivi yĕnnaḍigini
nī daya nābai niṁchinam̐ gāni

(||ledaṁ||)
arayam̐gam̐ brabaṁcha malavaḍinaḍuvalĕ
arudagu vai rāgya malavaḍadu
taruṇularadi madim̐ dalam̐sinayaḍuvalĕ
dhara nī sāgāramu dalam̐sadu manasu

(||ledaṁ||)
gŏnagŏnna yardhamu gorinayaḍuvalĕ
kŏnayagu mokṣhamu goradu
tanubhogamulagum̐ dagilinayaḍuvalĕ
tanisi nīgathalagum̐ daniyadu manasu

(||ledaṁ||)
salamunu bābamu saviyainaḍuvalĕ
salalidabuṇyamu savigādu
sulabha śhrīveṁkaḍeśhum̐ḍa nīmahimidi
galigidivi nāgum̐ galam̐gadu manasu

You are here

Lyrics

Lyrics search

Other songs