Kaagumte yee shoonyavaada kathinasittula seda

Title (Indic)	కాకుంటే యీ శూన్యవాద కఠినచిత్తుల చేత
Work	Annamayya songs
Language	Telugu

Credits
Role	Artist
Writer	Annamacharya

Lyrics

Telugu

(॥పల్లవి॥)
కాకుంటే యీ శూన్యవాద కఠినచిత్తుల చేత
పైకొని వివేకులకు బ్రదుకఁగ వచ్చునా

(॥కాకుం॥)
అల్లనాఁడు నిరాకార మనెడి మాటలచేత
వెల్లిఁబోయ లోకములో విజ్ఞానమెల్లా
కల్లని మీ త్రివిక్రమాకారము చూపి మీరు
చెల్లఁ బెట్టితిరి వేదశిఖలందు మరియు

(॥కాకుం॥)
ఆలకించి యహంబ్రహ్మ మనెడి బుద్ధుల చేత
గాలిఁ బోయ భక్తి యల్లా కాలమందే
యేలి ప్రహ్లాదునికిఁగా హిరణ్యకశిపు నొద్ద
యేలికబంటువరుస లిందె చూపితిరి

(॥కాకుం॥)
అంతా నొక్కటియనే అధర్మవిధులచేత
గుంతఁబడెఁ బుణ్యమెల్లాఁ గొల్లఁబోయి
ఇంతట శ్రీవేంకటేశ యెక్కుడు నేనని కొండ
వింతగాఁగఁ బొడవెక్కి విఱ్ఱవీఁగితివి

English

(||pallavi||)
kāguṁṭe yī śhūnyavāda kaṭhinasittula seda
paigŏni vivegulagu bradugam̐ga vachchunā

(||kāguṁ||)
allanām̐ḍu nirāgāra manĕḍi māḍalaseda
vĕllim̐boya logamulo vijñānamĕllā
kallani mī trivikramāgāramu sūbi mīru
sĕllam̐ bĕṭṭidiri vedaśhikhalaṁdu mariyu

(||kāguṁ||)
ālagiṁchi yahaṁbrahma manĕḍi buddhula seda
gālim̐ boya bhakti yallā kālamaṁde
yeli prahlādunigim̐gā hiraṇyagaśhibu nŏdda
yeligabaṁṭuvarusa liṁdĕ sūbidiri

(||kāguṁ||)
aṁtā nŏkkaḍiyane adharmavidhulaseda
guṁtam̐baḍĕm̐ buṇyamĕllām̐ gŏllam̐boyi
iṁtaḍa śhrīveṁkaḍeśha yĕkkuḍu nenani kŏṁḍa
viṁtagām̐gam̐ bŏḍavĕkki viṭravīm̐gidivi

You are here

Lyrics

Lyrics search

Other songs