Idamdu raamunibamtu yidani kevva reduru

Title (Indic)	ఇతఁడు రామునిబంటు యితని కెవ్వ రెదురు
Work	Annamayya songs
Language	Telugu

Credits
Role	Artist
Writer	Annamacharya

Lyrics

Telugu

(॥పల్లవి॥)
ఇతఁడు రామునిబంటు యితని కెవ్వ రెదురు
చతురత మెరసె నిచ్చట హనుమంతుఁడు

(॥ఇతఁ॥)
అకాస (శ?) మంతయు నిండి యవ్వలికిఁ దోఁక చాఁచి
పైకొని పాతాళానఁ బాదాలు మోపి
కైకొని దశదిక్కులు కరములఁ గబళించి
సాకారము చూపినాఁ డిచ్చట హనుమంతుఁడు

(॥ఇతఁ॥)
కొంచక సురలు రోమకూపముల విహరించ
ముంచి ధ్రువమండలము మొగమై యుండ
యెంచఁగ లోకములెల్లా యెడనెడ సందులుగా
చంచుల మెరసినాఁ డిచ్చట హనుమంతుఁడు

(॥ఇతఁ॥)
గరిమ రవిచంద్రులు కర్ణకుండలములుగా
ధరణి మేరువు కటితటము గాఁగా
ఇరవుగా శ్రీవేంకటేశుని సేవకుఁడై
బెరసె నిచ్చట నిదె పెద్ద హనుమంతుఁడు

English

(||pallavi||)
idam̐ḍu rāmunibaṁṭu yidani kĕvva rĕduru
sadurada mĕrasĕ nichchaḍa hanumaṁtum̐ḍu

(||idam̐||)
agāsa (śha?) maṁtayu niṁḍi yavvaligim̐ dom̐ka sām̐si
paigŏni pādāḽānam̐ bādālu mobi
kaigŏni daśhadikkulu karamulam̐ gabaḽiṁchi
sāgāramu sūbinām̐ ḍichchaḍa hanumaṁtum̐ḍu

(||idam̐||)
kŏṁchaga suralu romagūbamula vihariṁcha
muṁchi dhruvamaṁḍalamu mŏgamai yuṁḍa
yĕṁcham̐ga logamulĕllā yĕḍanĕḍa saṁdulugā
saṁchula mĕrasinām̐ ḍichchaḍa hanumaṁtum̐ḍu

(||idam̐||)
garima ravisaṁdrulu karṇaguṁḍalamulugā
dharaṇi meruvu kaḍidaḍamu gām̐gā
iravugā śhrīveṁkaḍeśhuni sevagum̐ḍai
bĕrasĕ nichchaḍa nidĕ pĕdda hanumaṁtum̐ḍu

You are here

Lyrics

Lyrics search

Other songs