Emtigi baamtibadevu yela mammum jenagevu

Title (Indic)	ఏఁటికి బాఁతిపడేవు యేల మమ్ముఁ జెనకేవు
Work	Annamayya songs
Language	Telugu

Credits
Role	Artist
Writer	Annamacharya

Lyrics

Telugu

(॥పల్లవి॥)
ఏఁటికి బాఁతిపడేవు యేల మమ్ముఁ జెనకేవు
కాటుకవన్నెచూపులు కలవి మాజూ(చూ?)బు(పు?)లు

(॥ఏఁటి॥)
కన్నులె గొప్పలుగాని కడుఁ గొంచపు మొకము
యెన్నఁగ మాచక్కఁదన మేమున్నది
వున్నతాలె కుచములు వొంటినడుము సన్నము
యెన్ని చూడఁబోతేను యిదివో మాసొబగు

(॥ఏఁటి॥)
బారెఁడె కురులుగాని చేరఁడేసి పాదాలు
యీరీతిదె మాగుట్టు యేమున్నది
నోరు మాణిక్యాలగని నొక్కితేఁ దేనెపెదవి
పేరుకొనఁబోతేను పెలుచు మాగుణము

(॥ఏఁటి॥)
చేతులె మెత్తనగాని చిమ్ము గోళ్ళు కఠినాలు
యేతులు నెమ్మెలు మాయందేమున్నది
ఘాతల శ్రీవెంకటేశ కలసితి విటునన్ను
నీతి విచారించుకొంటే నిండెను నీమన్ననే

English

(||pallavi||)
em̐ṭigi bām̐tibaḍevu yela mammum̐ jĕnagevu
kāḍugavannĕsūbulu kalavi mājū(sū?)bu(pu?)lu

(||em̐ṭi||)
kannulĕ gŏppalugāni kaḍum̐ gŏṁchabu mŏgamu
yĕnnam̐ga māsakkam̐dana memunnadi
vunnadālĕ kusamulu vŏṁṭinaḍumu sannamu
yĕnni sūḍam̐bodenu yidivo māsŏbagu

(||em̐ṭi||)
bārĕm̐ḍĕ kurulugāni seram̐ḍesi pādālu
yīrīdidĕ māguṭṭu yemunnadi
noru māṇikyālagani nŏkkidem̐ denĕbĕdavi
perugŏnam̐bodenu pĕlusu māguṇamu

(||em̐ṭi||)
sedulĕ mĕttanagāni simmu goḽḽu kaṭhinālu
yedulu nĕmmĕlu māyaṁdemunnadi
ghādala śhrīvĕṁkaḍeśha kalasidi viḍunannu
nīdi visāriṁchugŏṁṭe niṁḍĕnu nīmannane

You are here

Lyrics

Lyrics search

Other songs