Eduvamti pomdulo mee yiddarigini

Title (Indic)	ఎటువంటి పొందులో మీ యిద్దరికిని
Work	Annamayya songs
Language	Telugu

Credits
Role	Artist
Writer	Annamacharya

Lyrics

Telugu

(॥పల్లవి॥)
ఎటువంటి పొందులో మీ యిద్దరికిని
తటునక మాకు నేఁడు తారుకాణ లాయను

(॥ఎటు॥)
ముసి ముసి నవ్వులతో ముచ్చట చెప్పీ నాకె
విసుగక చెవులారా వినవయ్యా
కొసరుచుఁ జెలి నిన్నుఁ గొంగువట్టి పెనఁగీని
సుసరాన లోనైతే సూటికి రావయ్యా

(॥ఎటు॥)
సిగ్గులు వడక నిన్నుఁ జెక్కు నొక్కి వేఁడు కొనీ
దిగ్గన నందుకు సమ్మతించవయ్యా
వెగ్గళపుఁదమి తోడ వీడెము నీకిచ్చీని
వొగ్గి యందుకొని సేవవొప్ప గొనవయ్యా

(॥ఎటు॥)
వెక్కసముగా నీకు వినయాన మొక్కీని
చొక్కుచు మోము దప్పక చూడవయ్యా
యిక్కడ శ్రీ వేంకటేశ యేలితివి నన్ను నేఁడు
తక్కక యాకె చెనకీ తప్పించుకొవయ్యా

English

(||pallavi||)
ĕḍuvaṁṭi pŏṁdulo mī yiddarigini
taḍunaga māgu nem̐ḍu tārugāṇa lāyanu

(||ĕḍu||)
musi musi navvulado muchchaḍa sĕppī nāgĕ
visugaga sĕvulārā vinavayyā
kŏsarusum̐ jĕli ninnum̐ gŏṁguvaṭṭi pĕnam̐gīni
susarāna lonaide sūḍigi rāvayyā

(||ĕḍu||)
siggulu vaḍaga ninnum̐ jĕkku nŏkki vem̐ḍu kŏnī
diggana naṁdugu sammadiṁchavayyā
vĕggaḽabum̐dami toḍa vīḍĕmu nīgichchīni
vŏggi yaṁdugŏni sevavŏppa gŏnavayyā

(||ĕḍu||)
vĕkkasamugā nīgu vinayāna mŏkkīni
sŏkkusu momu dappaga sūḍavayyā
yikkaḍa śhrī veṁkaḍeśha yelidivi nannu nem̐ḍu
takkaga yāgĕ sĕnagī tappiṁchugŏvayyā

You are here

Lyrics

Lyrics search

Other songs