Aadidevumdanamga modala navadarimchi jaladi sochchi

Title (Indic)	ఆదిదేవుఁడనఁగ మొదల నవతరించి జలది సొచ్చి
Work	Annamayya songs
Language	Telugu

Credits
Role	Artist
Writer	Annamacharya

Lyrics

Telugu

(॥పల్లవి॥)
ఆదిదేవుఁడనఁగ మొదల నవతరించి జలది సొచ్చి
వేదములును శాస్త్రములును వెదకి తెచ్చె నీతఁడు

(॥ఆది॥)
వాలి తిరుగునట్టి దైత్యవరుల మోహవతులనెల్ల
మూలమూలఁ ద్రోసి ముసుఁగుపాలు సేసె నీతఁడు
వేలంఖ్యలైనసతుల వేడుకలలరఁజేసి వొంటి
నాలిమగనిరీతిఁ గూడి యనభవించె నీతఁడు

(॥ఆది॥)
కడుపులోని జగములెల్లఁ గదలకుండఁ బాఁపరేని-
పడుక నొక్కమనసుతోడఁ బవ్వళించె నీతఁడు
అడుగుకింద లోకమెల్ల నడఁచఁదలఁచి గుఱుతుమీర
పొడవు వెరిగి మిన్నుజలము పొడిచి తెచ్చె నీతఁడు

(॥ఆది॥)
కోడెవయసునాఁడు మంచి గోపసతుల మనములెల్ల
ఆడి కెలకు నోప కొల్లలాడి బ్రదికె నీతఁడు
వేడుకలర వేంకటాద్రి వెలసి భూతకోటి దన్నుఁ
జూడుఁడనుచు మోక్షపదము చూరవిడిచె నీతఁడు

English

(||pallavi||)
ādidevum̐ḍanam̐ga mŏdala navadariṁchi jaladi sŏchchi
vedamulunu śhāstramulunu vĕdagi tĕchchĕ nīdam̐ḍu

(||ādi||)
vāli tirugunaṭṭi daityavarula mohavadulanĕlla
mūlamūlam̐ drosi musum̐gubālu sesĕ nīdam̐ḍu
velaṁkhyalainasadula veḍugalalaram̐jesi vŏṁṭi
nālimaganirīdim̐ gūḍi yanabhaviṁchĕ nīdam̐ḍu

(||ādi||)
kaḍubuloni jagamulĕllam̐ gadalaguṁḍam̐ bām̐pareni-
paḍuga nŏkkamanasudoḍam̐ bavvaḽiṁchĕ nīdam̐ḍu
aḍugugiṁda logamĕlla naḍam̐sam̐dalam̐si guṟudumīra
pŏḍavu vĕrigi minnujalamu pŏḍisi tĕchchĕ nīdam̐ḍu

(||ādi||)
koḍĕvayasunām̐ḍu maṁchi gobasadula manamulĕlla
āḍi kĕlagu noba kŏllalāḍi bradigĕ nīdam̐ḍu
veḍugalara veṁkaḍādri vĕlasi bhūdagoḍi dannum̐
jūḍum̐ḍanusu mokṣhabadamu sūraviḍisĕ nīdam̐ḍu

You are here

Lyrics

Lyrics search

Other songs