ഗോകുലപാലാ ഗോപകുമാരാ
ഗുരുവായൂരപ്പാ
വാകച്ചാര്‍ത്തും തിരുവുടലഴകും
കാണാറാകേണം കൃഷ്ണാ
കാണാറാകേണം (ഗോകുലപാലാ)
തിരുമുല്‍ക്കാഴ്ച്ചയായ് നടയ്ക്കുവെച്ചീടുവാന്‍
ഒരുപിടി അവലില്ലാ ആ..
തിരുമുല്‍ക്കാഴ്ച്ചയായ് നടയ്ക്കുവെച്ചീടുവാന്‍
ഒരുപിടി അവലില്ലാ
കൈയ്യിലെ കുമ്പിളില്‍ കാലത്തുതിര്‍ന്നൊരു
കണ്ണുനീര്‍മുത്തല്ലോ - കൃഷ്ണാ (ഗോകുലപാലാ)
മുത്തകമണികള്‍ നല്‍കാനിവിടെ
മേല്‍പ്പത്തൂരില്ലാ
മുത്തകമണികള്‍ നല്‍കാനിവിടെ
മേല്‍പ്പത്തൂരില്ലാ
പൂന്തേന്‍ മൊഴികളില്‍ കര്‍ണ്ണാമൃതം തൂകാന്‍
പൂന്താനവുമില്ലാ
കാലമാം കാളിന്ദി നീന്തി വരുന്നൊരു
ഗോപികയല്ലോ ഞാന്‍ കൃഷ്ണാ (ഗോകുലപാലാ)
