dil kahe ruk jā re ruk jā, yahīṅ pe kahīṅ
jo bāt (2) is jagah meṅ, hai kahīṅ pe nahīṅ
(1) parbat ūpar khiṛkī khūle, jhāṇke sundar bhor,
chale pavan suhānī
nadiyoṅ ke ye rāg rasīle, jharnoṅ kā ye śhor
bahe jhar jhar pānī
mad bharā, mad bharā samā, ban dhulā-dhulā
har kalī sukh palī yahāṇ, ras ghulā-ghulā
to dil kahe ruk jā he ruk jā…
(2) ūṅche-ūṅche peṛ ghanere, chhantī jinse dhūp
khaṛī bāṇh pasāre
nīlī nīlī jhīl meṅ jhalke nīl gagan kā rūp
bahe raṅg ke dhāre
ḍālī-ḍālī chiṛiyoṅ ki sadā, sur milā-milā
champāī champāī fijā, din khilā-khilā
to dil kahe ruk jā re ruk…
(3) pariyoṅ ke ye jamghaṭ, jinke phūloṅ jaise gāl
sab śhokh hathelī
inmeṅ hai vo alhaṛ jiskī hirṇī jaisī chāl
baḍī chhail-chhabīlī
manachlī-manachlī adā, chhab javāṅ javāṅ
har ghaṛī chaṛh rahā naśhā, sudh rahī kahāṇ
to dil kahe ruk jā re ruk jā…
