Innenre karalile

ഇന്നെന്റെ കരളിലെ പൊന്നണിപ്പാടത്തൊരു
പുന്നാരപ്പനംതത്ത പറന്നു വന്നു - ഒരു
പഞ്ചാരപ്പനംതത്ത പറന്നു വന്നു
(ഇന്നെന്റെ )

പാടാത്ത പാട്ടില്ല പറയാത്ത കഥയില്ല
ഓടക്കുഴലും കൊണ്ടോടിവന്നു - എന്നെ
തേടിക്കൊണ്ടെന്റെ മുന്നിലോടിവന്നു (പാടാത്ത )
(ഇന്നെന്റെ )

പുത്തനാം കിനാവുകള്‍ പൂങ്കതിരണിഞ്ഞപ്പോള്‍
തത്തമ്മയ്ക്കതു ഞാനും കാഴ്ച വച്ചു - എന്റെ
തത്തമ്മയ്ക്കതു ഞാനും കാഴ്ച വച്ചു (പുത്തനാം)
കതിരൊക്കെ കിളി തിന്നാല്‍ പതിരൊക്കെ ഞാന്‍ തിന്നാല്‍
മതിയെന്റെ ഖല്‍ബിലപ്പോള്‍ ആനന്ദം - അത്
മതിയെന്റെ ഖല്‍ബിലപ്പോള്‍ ആനന്ദം
(ഇന്നെന്റെ )