മഞ്ഞിന്‍ വിലോലമാം
യവനികയ്‌ക്കുള്ളിലൊരു
മഞ്ഞക്കിളിത്തൂവല്‍പോലെ
ഓര്‍മ്മയിലോടിയെത്തും
ഏതോ സുസ്‌മിതം പോലെ
ഓമനത്തിങ്കള്‍ക്കല മയങ്ങിനില്‍‌ക്കേ
(മഞ്ഞിന്‍...)
ഞെട്ടറ്റുവീഴും ദിനാന്തപുഷ്പങ്ങള്‍തന്‍
തപ്‌താശ്രുപോലെ നിലാവുദിയ്‌ക്കേ
കണ്ടു മറഞ്ഞ കിനാവുകളോ
നിശാഗന്ധികളായി വിടര്‍ന്നു നില്ക്കേ
(മഞ്ഞിന്‍...)
ഇത്തിരിപ്പൂവും കുരുന്നു കരങ്ങളില്‍
തൃത്താലമേന്തി പടിയ്‌ക്കല്‍ നില്ക്കേ
ജന്മാന്തരസ്‌നേഹബന്ധങ്ങളേക്കുറി-
ച്ചെന്തിനോ ഞാനുമിന്നോര്‍ത്തു പോയി
നാം എന്നിനിക്കാണുമെന്നോര്‍ത്തുപോയി
(മഞ്ഞിന്‍...)
