ജന്മം നല്‍കീ - പാവന ജീവന
സ്തന്യം നല്‍കീ - പുരുഷനു നീ
ധന്യാധി ധന്യേ ജനനീ നിന്നെ
കണ്ണീരു കുടിപ്പിക്കുന്നൂ - പുരുഷന്‍
കണ്ണീരു കുടിപ്പിക്കുന്നൂ
കന്യകമാരാം കാമധേനുക്കളെ
കാട്ടാളരേപ്പോലെ വേട്ടയാടി.
ചോരയും മാംസവും പങ്കു വെയ്ക്കാ‍ന്‍
പൂരുഷ മൃഗത്തിന്നെന്തു രസം !
എന്തു രസം.
ആചാരം നിന്നെ അബലയായ് മാറ്റി
ചാരിത്ര്യ ചോരന്‍ ചപലയായ് മാറ്റി.
കാമാര്‍ത്തനാകും പുരുഷന്‍ നിന്നെ
ഹേമിച്ചു ദണ്ഡിച്ചു ബലിമൃഗമാക്കീ.
ഈ പ്രതിക്കൂട്ടില്‍ പ്രതിയാരോ ?
നാരിയോ പൂരുഷ പ്രകൃതിയോ ?
