ai dil-e-beqrār jhūm, ai dil-e-beqrār jhūm - 2
abr-e-bahār ā gayā, dūr-e-khizā chalā gayā - 2
iśhq murād pā gayā, husn kī mach rahī hai jhūm (ai dile …)
chhiṭkī huī hai chāṅdnī, mastī meṅ hai kalī kalī - 2
jhūm rahī hai zindgī, tū bhī hazār bār jhūm (ai dile …)
tāre haiṅ māhtāb hai, husn hai aur śhabāb hai - 2
zindgī kāmyāb hai, ārazūoṅ kā hai hazūm (ai dile …)
terā naśhā terā khumār, ab hai bahār hai bahār - 2
pīke khuśhī meṅ bār bār, pīr-e-javāṅ ke hāth chūm (ai dile …)
