Jeevan se bharee teree aankhen majboor kare jeene ke lie

jīvan se bharī terī āṇkheṅ
majbūr kare jīne ke lie
sāgar bhī taraste rahte haiṅ
tere rūp kā ras pīne ke lie

tasvīr banāe kyā koī
kyā koī likhe tujh pe kavitā
raṅgoṅ chhaṅdoṅ meṅ samāegī
kis tarah se itnī sundartā
ek dhaṛkan hai tū dil ke lie
ek jān hai tū jīne ke lie

madhuban kī sugaṅdh hai sāṇsoṅ meṅ
bāhoṅ meṅ kamal kī komaltā
kirnoṅ kā tej hai chahre pe
hirnoṅ kī hai tujh meṅ chaṅchaltā
āṇchal kā tere hai tār bahut
koī chāk jigar sīne ke lie