jīvan se bharī terī āṇkheṅ
majbūr kare jīne ke liye
sāgar bhī taraste rahte haiṅ
tere rūp kā ras pīne ke liye
jīvan se bharī terī āṇkheṅ …
tasvīr banāye kyā koī
kyā koī likhe tujhpe kavitā
raṅgoṅ chhaṅdoṅ meṅ samāegī
kis tarah se itnī suṅdartā
ek dhaṛkan hai tū dil ke liye
ek jān hai tū jīne ke liye
jīvan se bharī terī āṇkheṅ …
madhuban ki sugaṅdh hai sāṇsoṅ meṅ
bāhoṅ meṅ kaṅval kī komaltā
kirṇoṅ kā tej hai chehre pe
hirnoṅ kī hai tujh meṅ chaṅchaltā
āṅchal kā tere ek tār bahut
koī chhāk jigar sīne ke liye
jīvan se bharī terī āṇkheṅ …
