പടിഞ്ഞാറൊരു പാലാഴി പാലാഴിയിലൊരു പൊന്‍തോണി
തുഴയില്ലാതോടുന്ന തോണിക്കകത്തൊരു
തുള്ളാട്ടം തുള്ളണ പാവക്കുട്ടീ പാവക്കുട്ടീ പാവക്കുട്ടീ
പാലാഴിയിലെ പാതിരാമണലില്‍
പവിഴം കുത്തിയ പാല്‍ച്ചോറ്
പവിഴം കുത്തിയ പാല്‍ച്ചോറു വിളമ്പാന്‍
പാവക്കുട്ടിയ്ക്ക് പവന്‍ കിണ്ണം
പവന്‍ കിണ്ണം പവന്‍ കിണ്ണം
പാലാഴീപ്പോകാന്‍ വഴിയേത്
ആറുകടലിനു പടിഞ്ഞാറ്
ഒന്നാം കടലില്‍ പത്തിപ്പാമ്പ്
രണ്ടാം കടലില്‍ നാഗരാജാവ്
മൂന്നാം കടലില്‍ കടല്‍ക്കിഴവന്‍
നാലാം കടലില്‍ ഭൂതത്താന്‍
അയ്യയ്യോ അഞ്ചാം കടലില്‍ ?
അഞ്ചാം കടലില്‍ അമ്പിളിമാമന്‍
ആറാം കടലില്‍ ആദിത്യഭഗവാന്‍
ആറുകടലും കടന്നു ചെന്നാല്‍
അടുത്തതു പിന്നെ പാലാഴി
പാലാഴിയിലെ പാവക്കുഞ്ഞിനു
പകല്‍ കിടന്നുറങ്ങാന്‍ പൂന്തൊട്ടില്‍
പകല്‍കിടന്നുറങ്ങുന്ന പൂന്തൊട്ടിലാട്ടാന്‍
പാല്‍ക്കടലമ്മ വളര്‍ത്തമ്മ
അമ്മേക്കണ്ടാലെനിച്ചറിയാം
അച്ചാ മുച്ചാ നക്ഷത്രം
