kal ke sapne āj bhī ānā
prītam ko bhī sāth meṅ lānā
kal ke sapne …
āj bhī din hai madhur suhānā bāj rahī hai man kī bāṇsuriyā
nainoṅ ke taṭ pe prem ke path pe lauṭ ke ab to ājā sāṇvriyā
maiṅ bhī sunāūṇ dil kā tarānā -2
kal ke sapne …
jhūmte bādal gāte jharne āj kisī ko ḍhūṇḍh rahe haiṅ
maiṅ to ye jānūṇ sāre nazāre sajnā tumko ḍhūṇḍh rahe haiṅ
āj mujhe bhī daras dikhānā -2
kal ke sapne …
merī nagriyā ā more rasiyā ḍagar-ḍagar maiṅ aṇkhiyāṇ bichhāūṇ
dil meṅ biṭhā ke nain milā ke janam-janam kī pyās bujhāūṇ
tohe sikhāūṇ prīt nibhānā -2
kal ke sapne …
