ആ.....
നിശീഥിനീ നിശീഥിനീ ഞാനൊരു രാപ്പാടീ
പാടാം പാടാം എന്‍ വിരഹഗാനം
പ്രാണനിലുണരും യക്ഷഗാനം
സ്വപ്നംകരിഞ്ഞ ചിതാഭസ്മധൂളികള്‍
പുഷ്പങ്ങളാകുമീ രാവില്‍ സ്വര്‍ഗ്ഗ
പുഷ്പങ്ങളാകുമീ രാവില്‍
മേദിനീ മേദിനീ നിന്‍
മേഘത്തൂവല്‍ ചിറകുള്ള തേരില്‍ ഞാന്‍
പ്രേമപൂജയ്ക്കു വരുന്നു വീണ്ടുമെന്‍
പ്രേമപൂജയ്ക്കു വരുന്നു
തരുമോ മൃതസഞ്ജീവനീ
തരുമോ തരുമോ തരുമോ
നിശീഥിനീ......
ജീവന്‍ തകര്‍ന്ന സിരാപഞ്ജരങ്ങളില്‍
ജന്മങ്ങള്‍ പൂക്കുമീ രാവില്‍ പുനര്‍
ജന്മങ്ങള്‍ പൂക്കുമീ രാവില്‍
യാമിനി യാമിനീ നിന്‍
കാമകാവ്യ വിപഞ്ചിക മീട്ടിഞാന്‍
യാമപൂജയ്ക്കു വരുന്നു ഗന്ധര്‍വ്വ
യാമപൂജയ്ക്കു വരുന്നു
തരുമോ മൃതസഞ്ജീവനീ
തരുമോ തരുമോ തരുമോ
നിശീഥിനീ......
