Bhagavaanoru kuravanaayee

ഭഗവാനൊരു കുറവനായി ശ്രീപാര്‍വതി കുറത്തിയായി
ധനുമാസത്തില്‍ തിരുവാതിരനാള്‍
തീര്‍ഥാടനത്തിനിറങ്ങി അവര്‍ ദേശാടനത്തിനിറങ്ങീ

കാശ്മീരിലെ പൂവുകള്‍ കണ്ടൂ
കന്യാകുമാരിയില്‍ കാറ്റുകൊണ്ടൂ
നാടുകള്‍ കണ്ടൂ നഗരങ്ങള്‍ കണ്ടു
നന്മയും തിന്മയും അവര്‍കണ്ടു

ആശ്രമങ്ങള്‍ കണ്ടൂ അമ്പലങ്ങള്‍ കണ്ടൂ
പണക്കാര്‍ പണിയിച്ച പൂജാമുറികളില്‍
പാല്‍പ്പായസമുണ്ടു അവര്‍ പലപല വരം കൊടുത്തു

കൈമൊട്ടുകള്‍ കൂപ്പിയുംകൊണ്ടേ
കണ്ണീരുമായ് ഞങ്ങള്‍ കാത്തുനിന്നു
പാവങ്ങള്‍ ഞങ്ങള്‍ പ്രാര്‍ഥിച്ചതൊന്നും
ദേവനും ദേവിയും കേട്ടില്ല