Aap kee mahkee huee zulf ko kahte hain ghataa

ya: āp kī mahkī huī zulf ko kahte haiṅ ghaṭā
ya: āp kī madabhrī āṇkhoṅ ko kṇval kahte haiṅ
la: maiṅ to kuchh bhī nahīṅ tum ko hasīṅ lagtī hūṇ
la: is ko chāhat bharī nazroṅ kā amal kahte haiṅ

ya: ek ham hī nahīṅ sab dekhne vāle tum ko
ya: sang-e-marmar pe likhī śhokh ġhazal kahte haiṅ
la: aisī bāteṅ na karo jin kā yaqīṅ muśhkil ho
la: aisī tārīf ko niyāt kā khalal kahte haiṅ

ya: merī taqdīr ki tum ne mujhe apnā samjhā
la: merī taqdīr ki tum ne mujhe apnā samjhā
ya, la: is ko sadiyoṅ kī tamannāoṅ kā phal kahte haiṅ - 2