ചൂടാരത്നം ശിരസ്സില്‍ ചാര്‍ത്തി
വാടാമല്ലിയെ കാറ്റുണര്‍ത്തി
പോയ പൂക്കാലങ്ങളോര്‍മ്മിച്ചു നില്‍ക്കും
പൊന്നശോകം കണ്ണുപൊത്തി
(ചൂടാരത്നം )
ഇന്നും മയക്കുമരുന്നുകള്‍ നല്‍കി ഞാ-
നെന്നിലെ ദു:ഖങ്ങളുറക്കുമ്പോള്‍
ഓര്‍മ്മകളേതോ മരതകദ്വീപില്‍നി-
ന്നോടി വന്നെന്നെയും വിളിച്ചുണര്‍ത്തി
വെറുതേ - വിളിച്ചുണര്‍ത്തീ..
ആ.. ആ..
(ചൂടാരത്നം )
ചന്ദ്രന്‍ സുവര്‍ണ്ണമയൂഖങ്ങള്‍ കൊണ്ടൊരു
ചന്ദനവല്ലകി മീട്ടുമ്പോള്‍
എന്നിലെ ശോകം മറവിതന്‍ കൂട്ടില്‍നി-
ന്നെന്തിനെന്‍ മൌനത്തെ വിളിച്ചുണര്‍ത്തി
വെറുതേ - വിളിച്ചുണര്‍ത്തീ--
ആ..ആ..
(ചൂടാരത്നം )
