merī bāt rahī mere man meṅ
kuchh kah na sakī uljhan meṅ
mere sapne adhūre, hue nahīṅ pūre
āg lagī jīvan meṅ
merī bāt rahī mere man meṅ …
o rasiyā, man basiyā
rag rag meṅ ho tum hī samāye
mere nainā kare bainā
merā dard na tum sun pāye
jiyā morā pyāsā rahā sāvan meṅ
merī bāt rahī mere man meṅ …
kuchh kahte, kuchh sunte
kyoṅ chale gaye dil ko masal ke
merī duniyā huī sūnī
bujhā ās kā dīpak jal ke
chhāyā re andherā merī akhiyan meṅ
merī bāt rahī mere man meṅ …
tum āo ki na āo
piyā yād tumhārī mere saṅg hai
tumhe kaise ye batāūṇ
merī prīt kā nirālā ek raṅg hai
lāgā ho ye nehā jaise bachapan meṅ
merī bāt rahī mere man meṅ …
