jab zīro diyā mere bhārat ne
bhārat ne mere bhārat ne
duniyā ko tab gintī āyī
tāroṅ kī bhāṣhā bhārat ne
duniyā ko pahle sikhlāyī
detā nā daśhmalav bhārat to
yūṇ chāṇd pe jānā muśhkil thā
dhartī aur chāṇd kī dūrī kā
aṅdāz lagānā muśhkil thā
sabhytā jahāṇ pahle āyī
pahle janmī hai jahāṇ pe kalā
apnā bhārat jo bhārat hai
jiske pīchhe saṅsār chalā
saṅsār chalā aur āge baṛhā
jyūṇ āge baṛhā, baṛhtā hī gayā
bhagvān kare ye aur baṛhe
baṛhtā hī rahe aur phūle-phale
madanpurī: chup kyoṅ ho gaye? aur sunāo
hai prīt jahāṇ kī rīt sadā
maiṅ gīt vahāṇ ke gātā hūṇ
bhārat kā rahne vālā hūṇ
bhārat kī bāt sunātā hūṇ
kāle-gore kā bhed nahīṅ
har dil se hamārā nātā hai
kuchh aur na ātā ho hamko
hameṅ pyār nibhānā ātā hai
jise mān chukī sārī duniyā
maiṅ bāt vohī dohrātā hūṇ
bhārat kā rahne vālā hūṇ
bhārat kī bāt sunātā hūṇ
jīte ho kisīne deśh to kyā
hamne to diloṅ ko jītā hai
jahāṇ rām abhī tak hai nar meṅ
nārī meṅ abhī tak sītā hai
itne pāvan haiṅ log jahāṇ
maiṅ nit-nit śhīśh jhukātā hūṇ
bhārat kā rahne vālā hūṇ
bhārat kī bāt sunātā hūṇ
itnī mamtā nadiyoṅ ko bhī
jahāṇ mātā kahke bulāte hai
itnā ādar insān to kyā
patthar bhī pūje jāteṅ hai
is dhartī pe maiṅne janam liyā
ye soch ke maiṅ itrātā hūṇ
bhārat kā rahne vālā hūṇ
bhārat kī bāt sunātā hūṇ