Kaattugolka nyaannale

കാത്തുകൊള്‍ക ഞങ്ങളേ പരദേവതേ
കാല്‍ത്തളിര്‍ വണങ്ങുന്നു കരുണാമയേ
അത്തലൊക്കെ നീങ്ങുവാന്‍ കനിവേകണേ
ചിത്തസൌഖ്യമാളുവാന്‍ തുണയാ‍കണേ

നെയ്‌വിളക്കുവെച്ചിടാം നേര്‍ച്ചകള്‍ കഴിച്ചിടാം
തെച്ചിമാലചാര്‍ത്തി ഞങ്ങള്‍ പൂജചെയ്തിടാം
തെറ്റുകള്‍ പൊറുക്കണേ നേര്‍വഴികള്‍ കാട്ടണേ
മറ്റൊരാശ്രയം ജഗത്തില്‍ ആരാണമ്മേ?

നിത്യവും ഭജിച്ചിടാം നിന്‍ ഗുണങ്ങള്‍ പാടിടാം
നിസ്തുലപ്രഭാമയേ നമസ്കരിച്ചിടാം
കണ്മിഴി തുറക്കണേ കനിവിയന്നു നോക്കണേ
കന്മഷങ്ങള്‍ നീക്കിയെന്നും പോറ്റേണമേ