ചില്ലാട്ടം പറക്കുമീ കുളിര്‍കാറ്റില്‍
ചിരിയോടു ചിരിതൂകും ചന്ദ്രികയില്‍
അരികില്‍ വന്നവിടുന്നീ ആരാമമല്ലികയെ
ഒരു പ്രേമചുമ്പനത്തില്‍ പൊതിഞ്ഞു
മൂടിപ്പൊതിഞ്ഞു (ചില്ലാട്ടം )
കോരിത്തരിച്ചുനില്‍ക്കും കുറുമൊഴിപ്പൂങ്കുടങ്ങള്‍
വിരിഞ്ഞുവല്ലോ താനേ വിരിഞ്ഞുവല്ലോ
താഴെയഴിഞ്ഞുവീഴും പൂനിലാപുടവകള്‍
വിരിച്ചുവല്ലോ മഞ്ചം വിരിച്ചുവല്ലോ (ചില്ലാട്ടം )
മാറത്തു മുത്തുചാര്‍ത്തും മധുമതിപുഷ്പമായ് ഞാന്‍
മയങ്ങുമല്ലോ എല്ലാം മറക്കുമല്ലോ
സ്നേഹം വിരുന്നു നല്‍കും തേനിതള്‍ തളികകള്‍
നുകര്‍ന്നുകൊള്ളൂ ഭവാന്‍ നുകര്‍ന്നുകൊള്ളൂ (ചില്ലാട്ടം )
