Madhubagarnna sundugalil

മധുപകര്‍ന്ന ചുണ്ടുകളില്‍
മലര്‍വിടര്‍ന്ന ചുണ്ടുകളില്‍
മറന്നുവെച്ചു പോയി ഞാന്‍
മധുരമധുരമൊരു ഗാനം

മധുകവര്‍ന്ന ചുണ്ടുകളില്‍
മലരമര്‍ന്ന ചുണ്ടുകളില്‍
മറന്നുവെച്ചു പോയീ ഞാന്‍
മധുരമധുരമെന്‍ നാണം

പിടയും നെഞ്ചിലമരുമ്പോള്‍
പിരിയുമെന്നതാരോര്‍ക്കും?
അലിഞ്ഞലിഞ്ഞു ചേരുമ്പോള്‍
അകലുമെന്നതാരോര്‍ക്കും?
(മധുപകര്‍ന്ന...)

ഇനിയുമെന്നു നിന്നധരം
തിരിച്ചു നല്‍കുമാ ഗാനം?
എന്റെ നാണം കവര്‍ന്നവനേ
എനിക്കുവേണം നിന്‍ ഗാനം
(മധുപകര്‍ന്ന...)