Maarodanaccu nyaaan

മാറോടണച്ചു ഞാനുറക്കിയിട്ടും എന്റെ മാനസ വ്യാമോഹമുണരുന്നു
ഏതോ കാമുകന്റെ നിശ്വാസംകേട്ടുണരും
ഏഴിലം പാലപൂവെന്ന പോലെ

അടക്കുവാന്‍ നോക്കി ഞാനെന്‍ ഹൃദയവിപഞ്ചികയില്‍
അടിക്കടി തുളുമ്പുമീ പ്രണയഗാനം
ഒരുമുല്ലപൂമൊട്ടില്‍ ഒതുക്കുവതെങ്ങനെയീ
ഒടുങ്ങാത്ത വസന്തത്തിന്‍ മധുരഗന്ധം?

(ഇന്നു മാറോടണച്ചു ഞാനുറക്കിയിട്ടും)

താരകള്‍ കണ്ണിറുക്കി ചിരിച്ചാല്‍ ചിരിക്കട്ടെ
താമരതന്‍ തപസ്സിനെ കളിയാക്കട്ടെ
മാനവന്റെ വേദനയ്ക്കും മധുരക്കിനാവുകള്‍ക്കും
വാനവന്റെ നാട്ടിലെന്നും വിലയില്ലല്ലോ
(ഇന്നു മാറോടണച്ചു ഞാനുറക്കിയിട്ടും)