maiṅ pal do pal kā śhāyar hūṇ
pal do pal merī kahānī hai
pal do pal merī hastī hai
pal do pal merī javānī hai
maiṅ pal do pal kā śhāyar hūṇ …
mujhse pahle kitne śhāyar
āe aur ākar chale gae
kuchh āheṅ bhar kar lauṭ gae
kuchh naġhme gākar chale gae
vo bhī ek pal kā kissā thā
maiṅ bhī ek pal kā kissā hūṇ
kal tumse judā ho jāūṇgā
vo āj tumhārā hissā hūṇ
maiṅ pal do pal kā śhāyar hūṇ …
kal aur āeṅge naġhmoṅ kī
khiltī kaliyāṇ chunne vāle
mujhse behtar kahne vāle
tumse behtar sunne vāle
kal koī mujhko yād kare
kyūṇ koī mujhko yād kare
masrūf zamānā mere liye
kyūṇ vaqt apnā barbād kare
maiṅ pal do pal kā śhāyar hūṇ …
