Svargavaadil turannu

സ്വർഗ്ഗ വാതിൽ തുറന്നു തന്നൊരു
സ്വപ്ന കാമുകിയാണു നീ
ലജ്ജകൊണ്ടു തളിരണിഞ്ഞൊരു
പുഷ്പിണീലതയാണു നീ
(സ്വർഗ്ഗവാതിൽ..)

എന്റെമാനസ പന്തലിന്നുള്ളിൽ
എങ്ങുനിന്നു പടർന്നു നീ?
മൊട്ടിടും എന്റെ മോഹമൊക്കെയും
തൊട്ടു പുൽകി വിടർത്തി നീ
(സ്വർഗ്ഗ...)

നിന്റെ കൊച്ചു നുണക്കുഴികളിൽ
കുങ്കുമപ്പൂ വിരിഞ്ഞനാൾ
പൂവിതളിൽ നിശാ ശലഭമായ്‌
വീണുറങ്ങാൻ കൊതിച്ചു ഞാൻ
(സ്വർഗ്ഗ...)