dekhī jamāne kī yārī, bichhaṛe sabhī bārī bārī
kyā leke mile ab duniyā se, āṇsū ke sivā kuchh pās nahīṅ
yā phūl hī phūl the dāman meṅ, yā kāṇṭoṅ kī bhī ās nahīṅ
matalab kī duniyā hai sārī, bichhaṛe sabhī bārī bārī
vaqt hai meharbāṅ, ārazū hai javāṅ
fikr kal kī kareṅ, itnī fursat kahāṇ
daur ye chaltā rahe, raṅg uchhaltā rahe
rūp machaltā rahe, jām badaltā rahe
rāt bhar mehmān, haiṅ bahāreṅ yahāṇ
rāt agar ḍhal gayī phir ye khuśhiyāṇ kahāṇ
pal bhar kī khuśhiyāṇ haiṅ sārī, baṛhne lagī beqrārī
dekhī jamāne kī yārī, bichhaṛe sabhī bārī bārī
uṛ jā uṛ jā pyāse bhṇvreṅ, ras nā milegā khāroṅ meṅ
kāġhaz ke phūl jahāṇ khilte haiṅ, baiṭh nā un guljāroṅ meṅ
nādān tamannā retī meṅ, ummīd kī kaśhtī khetī hai
ik hāth se detī hai duniyā, sau hāthoṅ se le letī hai
ye khel hai kab se jārī, bichhaṛe sabhī bārī bārī
