അള്ളാവിന്‍ തിരുസഭയില്‍ കണക്കുകാണിക്കുവാന്‍
എല്ലാരും ചെല്ലേണം ഇന്നോ നാളെയോ
അണിച്ചിത്ര മണിമേട കണ്ടുനീ മയങ്ങല്ലേ
ആലം ഉടയോനെ മറന്നിടല്ലേ
പട്ടു ചെന്താമര പോലൊട്ടിനില്‍ക്കും സുന്ദരികള്‍
കൂട്ടിനു വരുമോ നീ ഖബറിലാകും നേരത്ത്
മലക്കുകള്‍ നിന്‍ പിഴകള്‍ എണ്ണിച്ചൊല്ലും സമയത്ത്
മൈക്കണ്ണിമാര്‍ വരുമോ കണ്ണെറിയാന്‍ ചാരത്ത്?
അനുരാഗമദനപ്പൂ മണത്തിനൊരതിരുണ്ടോ
ആമോദപ്രായത്തില് ആശയ്ക്കൊരളവുണ്ടോ
മൊഞ്ചുള്ള കഞ്ചകപ്പൂമോളെക്കണ്ടിട്ട്
പഞ്ചാരപ്പുഞ്ചിരി വാരിനുണഞ്ഞിട്ട്
മുപ്പാരുമവളാണെന്നോര്‍ത്തു മോഹം കൊണ്ടീടും
പുഞ്ചിരിച്ചുകാണിക്കും തഞ്ചംനോക്കി വഞ്ചിക്കും
അഞ്ചാറുകാശിനായി അയല്‍ വീടിനു തീവെക്കും
തക്കമിതെന്നോര്‍ക്കണ്ടാ തമ്പുരാനെ മറക്കണ്ട
നീപൂട്ടുമറതുറക്കാന്‍ പടച്ചവന്റെ താക്കോലുണ്ട്
