Taalolam paidal

താലോലം പൈതല്‍ താലോലം
താമരപ്പൂന്തൊട്ടിലിലാലോലം
പൂമിഴിയില്‍ പൊന്‍കിനാവിന്‍
തേന്‍ കിനിഞ്ഞു നീയുറങ്ങൂ
(താലോലം...)

അമ്മിഞ്ഞപ്പാല്‍നുരയോലും
ചുണ്ടില്‍ ചിരി വിരിയും
തുമ്പക്കുടത്തിന്നു തങ്കക്കുടത്തി-
ന്നൊരുമ്മ കൊടുത്തമ്മ പോകും
ഈ പഞ്ചമിച്ചന്ദ്രിക പോകും
(താലോലം...)

കൂട്ടിലെ കുഞ്ഞു കിളിക്കും
കാട്ടിലെ കുരുവികള്‍ക്കും
കാണാതെ ചൊല്ലുവാന്‍
ഈണങ്ങളോരോന്നു
പാടിക്കൊടുത്തമ്മ പോകും
ഈ മാണിക്യക്കുയിലമ്മ പോകും
(താലോലം...)