ഗോകുലാഷ്ടമിനാള്‍ ഇന്നു
ഗുരുവായൂരപ്പനു തിരുനാള്‍
വാകച്ചാര്‍ത്തു വേണ്ടേ - കൃഷ്ണാ
വര്‍ണ്ണപ്പീലി വേണ്ടേ - കൃഷ്ണാ
ഗോകുലാഷ്ടമിനാള്‍
തൃക്കൈ വെണ്ണ വേണ്ടേ കാലത്തു
തിരുവാര്‍പ്പിലുഷ വേണ്ടേ
പത്മകുംഭങ്ങളില്‍ അഭിഷേകത്തിനു
പഞ്ചഗവ്യം വേണ്ടേ - കൃഷ്ണാ
ഗോപാലാ - ഗോകുലാഷ്ടമിനാള്‍
തങ്കക്കുമ്പിള്‍ വേണ്ടേ കണ്ണനു
തിരുവൂണമൃതു വേണ്ടേ
പന്തീരടികഴിഞ്ഞമ്പലപ്പുഴയിലെ
പാല്‍പ്പായസം വേണ്ടേ കൃഷ്ണാ
ഗോപാലാ - ഗോകുലാഷ്ടമിനാള്‍
ദീപക്കാഴ്ച വേണ്ടേ പൂജയ്ക്കു
ദിവ്യാഷ്ടപദി വേണ്ടേ
പള്ളിയറയ്ക്കുള്ളില്‍ രാധ വിരിയ്ക്കും
പത്മമഞ്ചം വേണ്ടേ - കൃഷ്ണാ
ഗോപാലാ - (ഗോകുലാഷ്ടമിനാള്‍)
