Sarvvaraajyattolilaaligale

സര്‍വ്വരാജ്യത്തൊഴിലാളികളേ സംഘടിക്കുവിന്‍!
സംഘടിച്ചു സംഘടിച്ചു ശക്തരാകുവിന്‍!

കാലത്തിന്റെ മുഖാകൃതിമാറ്റിയ കഴിഞ്ഞ നൂറ്റാണ്ടില്‍ ഈ
കഴിഞ്ഞ നൂറ്റാണ്ടില്‍
മനുഷ്യമോചനരണഭൂമിയില്‍ നിന്നുയര്‍ന്നതാണീ ശബ്ദം
ലെനിന്റെ ശബ്ദം ലെനിന്റെ ശബ്ദം ലെനിന്റെ ശബ്ദം
വോള്‍ഗാനദിയുടെ തരംഗമാലകളിതേറ്റുപാടുന്നൂ
ഗംഗാനദിയും നൈലും യാംഗ്റ്റിസിയുമിതേറ്റുപാടുന്നൂ
ആ...... ആ...........

കാല്‍ച്ചങ്ങലകള്‍ കര്‍ഷകനൂരിയ കഴിഞ്ഞനൂറ്റാണ്ടില്‍ ഈ
കഴിഞ്ഞനൂറ്റാണ്ടില്‍
വിയര്‍പ്പുവിളയും വയലേലയില്‍ നിന്നുയര്‍ന്നതാണീ ശബ്ദം
മനുഷ്യശബ്ദം മനുഷ്യശബ്ദം മനുഷ്യശബ്ദം
സ്വാതന്ത്ര്യത്തിന്‍ സമരപതാകകളിതുകേട്ടുയരുന്നു
സാമ്രാജ്യത്ത്വമുയര്‍ത്തിയ കോട്ടകളിതുകേട്ടുലയുന്നൂ
ആ........ ആ.............