gaṇapti bappā moryā, puḍchyā varṣhī laukaryā
moryā re, bappā moryā re -4
gaṇapti apne gāṇv chale, kaise hamko chain paṛe
jisne jo māṇgā usne vo pāyā,
raste pe haiṅ sab log khaṛe
gaṇapti bappā dukh hartā, dukh hartā bhāī dukh hartā
das din ghar meṅ ān rahe, bhaktoṅ ke mehmān rahe
sāre śhahar meṅ dhūm machī, jośh se jantā jhūm uṭhī
unko pyāre sab iṅsān rājā raṅk haiṅ ek samān
dukh hartā bhāī dukh hartā
kisī ko kuchh vardān diyā, kisī ko koī jñān diyā
haiṅ chale sabhī ko khuśh karke, khālī khālī jholiyoṅ ko bharke
āyeṅge sāl ke bād idhar, log kareṅge yād magar
thoṛe hī din rahe, thoṛe dinoṅ meṅ karke chale ye kām baṛe
sāre ghar unko ghar haiṅ, unko ek barābar haiṅ
ūṇche mahal amīroṅ ke hoṅ yā ham garīban ke jhopaṛe
mast pavan ye phir le āī, maujoṅ kī naiyā lāī
gaṇapti us pār chale, lekar sabkā pyār chale
saphal huī sabkī pūjā, aisā na koī bin dūjā
ghaṭā gagan par lahrāī, ghaṛī visarjan kī āī
bhūl chūk ho māf hamārī, ham sab haiṅ baṛe nādān baṛe