(॥పల్లవి॥)
యిందుకంటె నున్నదదే యెంచఁగ మూలధనము
కందువ తలపోఁతలే కడు మూలధనము
(॥॥)
వనితకుఁ బతిమీఁది వలుపే మూలధనము
మునుకొన్న తమకమే మూలధనము
కనుఁగొనే నెమ్మోము కళలే మూలధనము
వినయపుఁ జేఁతలే వెస మూలధనము
(॥॥)
నేసవెట్టి పెండ్లాడిన సిగ్గులే మూలధనము
మోసలైన పులకలే మూలధనము
ఆస పడి చూచే చూపే అన్నిటా మూలధనము
రాసి కెక్క చిఱునవ్వే రతి మూలధనము
(॥॥)
కప్పుకొన్న వేడుకల కౌఁగిలే మూలధనము
ముప్పిరి మోవి తేనెలే మూలధనము
యిప్పుడే శ్రీ వేంకటేశుఁ డింతలోనే చెలిఁగూడె
చెప్పరాని భోగములే జిగి మూలధనము
(||pallavi||)
yiṁdugaṁṭĕ nunnadade yĕṁcham̐ga mūladhanamu
kaṁduva talabom̐tale kaḍu mūladhanamu
(||||)
vanidagum̐ badimīm̐di valube mūladhanamu
munugŏnna tamagame mūladhanamu
kanum̐gŏne nĕmmomu kaḽale mūladhanamu
vinayabum̐ jem̐tale vĕsa mūladhanamu
(||||)
nesavĕṭṭi pĕṁḍlāḍina siggule mūladhanamu
mosalaina pulagale mūladhanamu
āsa paḍi sūse sūbe anniḍā mūladhanamu
rāsi kĕkka siṟunavve radi mūladhanamu
(||||)
kappugŏnna veḍugala kaum̐gile mūladhanamu
muppiri movi tenĕle mūladhanamu
yippuḍe śhrī veṁkaḍeśhum̐ ḍiṁtalone sĕlim̐gūḍĕ
sĕpparāni bhogamule jigi mūladhanamu