యేమి సేతు నీ మీఁద నెంతైనా నాస మానదు
(॥పల్లవి॥)
యేమి సేతు నీ మీఁద నెంతైనా నాస మానదు
మామీఁది వలపు నీకు మరపాయఁగా
(॥॥)
చేరి నీతో మాటలాడి సేవలు సేసుకొంటా
యీరీతినే నుండినది యిది చాలక
కారించి యిందు మీఁదను కాఁకలు చల్లఁ జూచేవు
గారవపు నీదయ కాన వచ్చెఁగా
(॥॥)
కన్నులు చల్లఁగఁ జూచి కడు నీతో నవ్వుకొంటా
యెన్నికగా నే నుండిన దిది చాలక
మిన్నక నీ విందుమీఁద మేకులు సేయఁ జూచేవు
మన్నించెనన్న నీ మాటపట్టు మీరెఁగా
(॥॥)
అప్పటప్పటికి నిన్ను నట్టే కౌఁగిలించుకొంటా
యిప్పుడు గూడివుండిన దిది చాలక
అప్పుడ శ్రీ వేంకటేశ అలమేలుమంగ నేను
కప్పేవు పచ్చడము నీ గతి గంటిఁ గా.
(||pallavi||)
yemi sedu nī mīm̐da nĕṁtainā nāsa mānadu
māmīm̐di valabu nīgu marabāyam̐gā
(||||)
seri nīdo māḍalāḍi sevalu sesugŏṁṭā
yīrīdine nuṁḍinadi yidi sālaga
kāriṁchi yiṁdu mīm̐danu kām̐kalu sallam̐ jūsevu
gāravabu nīdaya kāna vachchĕm̐gā
(||||)
kannulu sallam̐gam̐ jūsi kaḍu nīdo navvugŏṁṭā
yĕnnigagā ne nuṁḍina didi sālaga
minnaga nī viṁdumīm̐da megulu seyam̐ jūsevu
manniṁchĕnanna nī māḍabaṭṭu mīrĕm̐gā
(||||)
appaḍappaḍigi ninnu naṭṭe kaum̐giliṁchugŏṁṭā
yippuḍu gūḍivuṁḍina didi sālaga
appuḍa śhrī veṁkaḍeśha alamelumaṁga nenu
kappevu pachchaḍamu nī gadi gaṁṭim̐ gā.