kiśhor: gorī gorī gāṇv kī gorī re
kis liye bun rahī ḍorī re
latā: o piyā, ḍorī se bāṇdh le gorī re
bhāge jo karike tū chorī re
ai jiyā
kiśhor: gorī gorī gāṇv kī gorī re
kachche haiṅ tere ye reśham ke dhāge
ṭūṭ jāye jo koī toṛke bhāge
latā: jab se sai.yyā, tose nehā lāge
pīchhe pīchhe maiṅ hūṇ, tū āge āge
khiṅche chale āoge, jāoge jahāṇ
jāke dekho to barjorī re
o piyā
kiśhor: gorī gorī gāṇv kī gorī re
maiṅ to uṛ jāūṇgā ik paṅchhī jaise
mujhe tū bandī banā legī kaise
latā: tujhe maiṅ bandī banā lūṇgī kaise
saiyyan, baiṅyā meṅ baiṅyā ḍāl ke aise
tore hoṅṭhoṅ se lag jāūṇgī maiṅ
banke bāṇsuriyā torī re
o piyā
kiśhor: gorī gorī gāṇv kī gorī re
maiṅ hūṇ pardesī
maiṅ hūṇ pardesī, sunle phir nā kahnā
chalā jānā hai, yahāṇ nahīṅ rahnā
latā: terā rastā dekheṅge mere nainā
yūṇ hī din bītegā, bītegī rainā
chahe chhup jā tū ghaṭāoṅ meṅ chaṅdā
ḍhūṇḍh legī ye chakorī re
o piyā
kiśhor: gorī gorī gāṇv kī gorī re
kis liye bun rahī ḍorī re
latā: o piyā, ḍorī se bāṇdh le gorī re
bhāge jo karike tū chorī re
ai jiyā
