వొద్దు నీవు నాకెదురా వోరి కంసుఁడా
(॥పల్లవి॥)
వొద్దు నీవు నాకెదురా వోరి కంసుఁడా
కొద్దిగాదు పెనఁగఁగ గోవిందుతోఁ గంసుఁడా
(॥వొద్దు॥)
పెరిగీ రేపల్లే నదె బిరుదునీవైరి వాఁడే
వొరసి నన్నేలపట్టే వోరికంసుఁడా
విరసాన వెరవను విష్ణుమాయను నీ-
గొరబైనవెడబుద్ది గొలుపద వోరా
(॥వొద్దు॥)
వెదకీ నీవైరి వాఁడె వీరదానవులనదె
వుదుటు నాతోనేల వోరికంసుఁడా
చిదుమనా నిన్నిపుడే సెలవీఁడుగా కతఁడు
పెదవుల చేటింతే పేదవానికోపము
(॥వొద్దు॥)
వెన్నలుఁ బాలారగించి వెసఁవాడె సత్వగూడ-
నున్నవాఁడు, నిన్నుగెల్వ నోరి కంసుఁడా
వెన్నుఁడు శ్రీవేంకటాద్రి విభుఁడు లోకులఁగాచె-
నన్నిటాఁ గృష్ణావతార మందఁబట్టి నేఁడు
(||pallavi||)
vŏddu nīvu nāgĕdurā vori kaṁsum̐ḍā
kŏddigādu pĕnam̐gam̐ga goviṁdudom̐ gaṁsum̐ḍā
(||vŏddu||)
pĕrigī reballe nadĕ birudunīvairi vām̐ḍe
vŏrasi nannelabaṭṭe vorigaṁsum̐ḍā
virasāna vĕravanu viṣhṇumāyanu nī-
gŏrabainavĕḍabuddi gŏlubada vorā
(||vŏddu||)
vĕdagī nīvairi vām̐ḍĕ vīradānavulanadĕ
vuduḍu nādonela vorigaṁsum̐ḍā
sidumanā ninnibuḍe sĕlavīm̐ḍugā kadam̐ḍu
pĕdavula seḍiṁte pedavānigobamu
(||vŏddu||)
vĕnnalum̐ bālāragiṁchi vĕsam̐vāḍĕ satvagūḍa-
nunnavām̐ḍu, ninnugĕlva nori kaṁsum̐ḍā
vĕnnum̐ḍu śhrīveṁkaḍādri vibhum̐ḍu logulam̐gāsĕ-
nanniḍām̐ gṛṣhṇāvadāra maṁdam̐baṭṭi nem̐ḍu