(॥పల్లవి॥)
వొద్దిక నోపము వట్టి స్వతంత్రము
వొద్దిక శాంతితో నుండేమయ్యా
(॥వద్ది॥)
నడవక మానవు నానాజగములు
కడఁగిన హరిసంకల్పానను
వుడుగ కిందు నా వుద్యోగమేఁటిది
నడుమనే కనుఁగొని నవ్వేమయ్యా
(॥వద్ది॥)
కలుగక మానదు కాఁగల భోగము
కలిమిఁ బురాకృత కర్మమిది
అలసి యిందు నా యాస లేమిటికి
కలిగిన పాటే కానీవయ్యా
(॥వద్ది॥)
తగులక మానదు తన సంసారము
వెగటగు మాయావిలాసము
అగపడి శ్రీవేంకటాధిపు కృపచే
తగిన పాటినే తనిసేమయ్యా
(||pallavi||)
vŏddiga nobamu vaṭṭi svadaṁtramu
vŏddiga śhāṁtido nuṁḍemayyā
(||vaddi||)
naḍavaga mānavu nānājagamulu
kaḍam̐gina harisaṁkalbānanu
vuḍuga kiṁdu nā vudyogamem̐ṭidi
naḍumane kanum̐gŏni navvemayyā
(||vaddi||)
kalugaga mānadu kām̐gala bhogamu
kalimim̐ burākṛta karmamidi
alasi yiṁdu nā yāsa lemiḍigi
kaligina pāḍe kānīvayyā
(||vaddi||)
tagulaga mānadu tana saṁsāramu
vĕgaḍagu māyāvilāsamu
agabaḍi śhrīveṁkaḍādhibu kṛpase
tagina pāḍine tanisemayyā