వివరము మాలినట్టి వెఱ్ఱిదేహి తొల్లి
(॥పల్లవి॥)
వివరము మాలినట్టి వెఱ్ఱిదేహి తొల్లి
జవకట్టినంతే కాక చండ పోరనేఁటికే
(॥వివ॥)
మనసంతే మంగళము మరి యెంత పొరలినా
తనువు కొలఁదియే సత్వములెల్లాను
తన కలిమెంచుకోక తగని మురిపెముల
పెనఁగఁబోతే తీపు పిప్పిలోనఁ గలదా
(॥వివ॥)
చెంది విత్తిన కొలఁదే చేరి మొలచేటి పైరు
అంది ఆఁకటి కొలఁదే ఆహారమెల్ల
ముందువెనక చూడక మొక్కలపు పరువేల
అందని మానిపంటికి నాసపడవచ్చునా
(॥వివ॥)
శ్రీవేంకటేశ్వరుఁ గొలిచిన కొలఁదియే మేలు
భావించ నాతఁడిచ్చేది భాగ్యమెల్లాను
వేవేలు మొక్కులేల వెస నానాఁటికి నెల్ల
తోవగాని తోవఁ బోతే తుదకెక్కఁగలదా
(||pallavi||)
vivaramu mālinaṭṭi vĕṭridehi tŏlli
javagaṭṭinaṁte kāga saṁḍa poranem̐ṭige
(||viva||)
manasaṁte maṁgaḽamu mari yĕṁta pŏralinā
tanuvu kŏlam̐diye satvamulĕllānu
tana kalimĕṁchugoga tagani muribĕmula
pĕnam̐gam̐bode tību pippilonam̐ galadā
(||viva||)
sĕṁdi vittina kŏlam̐de seri mŏlaseḍi pairu
aṁdi ām̐kaḍi kŏlam̐de āhāramĕlla
muṁduvĕnaga sūḍaga mŏkkalabu paruvela
aṁdani mānibaṁṭigi nāsabaḍavachchunā
(||viva||)
śhrīveṁkaḍeśhvarum̐ gŏlisina kŏlam̐diye melu
bhāviṁcha nādam̐ḍichchedi bhāgyamĕllānu
vevelu mŏkkulela vĕsa nānām̐ṭigi nĕlla
tovagāni tovam̐ bode tudagĕkkam̐galadā