విత్తొకటి వెట్టఁగాను వేరొకటి మొలచీనా
(॥పల్లవి॥)
విత్తొకటి వెట్టఁగాను వేరొకటి మొలచీనా
హత్తి దేహగుణములు ఆతుమకయ్యీనా
(॥విత్తొ॥)
చెంది చేఁదుదిన్ననోరు చేఁదేయయివుండుఁగాక
దిందుపడి కొంతైనాఁ దియ్యనుండీనా
బందెల సంసారికి బలు లంపటాలేకాక
అందు హరిఁజేరి సుఖ మందఁ దీరీనా
(॥విత్తొ॥)
యెంగిలిఁ బుట్టినమేను హేయమే వెదకుఁగాక
చెంగలించి పావనమ సేసుకోనీనా
ముంగిటిదేహికిఁ గర్మములు ముంచుకొనుఁగాక
రంగుగ శ్రీపతిఁ గొలిచి రతికెక్కీనా
(॥విత్తొ॥)
చేతికి వచ్చినసొమ్ము చేరిదాఁచుకొనుగాక
యేతులఁ దా నొల్లనంటా యీసడించీనా
యీతల శ్రీవేంకటేశుఁ డిచ్చిన విజ్ఞానము
ఆతుమ సంతసించుఁ గాకందు వెలితున్నాదా
(||pallavi||)
vittŏgaḍi vĕṭṭam̐gānu verŏgaḍi mŏlasīnā
hatti dehaguṇamulu ādumagayyīnā
(||vittŏ||)
sĕṁdi sem̐dudinnanoru sem̐deyayivuṁḍum̐gāga
diṁdubaḍi kŏṁtainām̐ diyyanuṁḍīnā
baṁdĕla saṁsārigi balu laṁpaḍālegāga
aṁdu harim̐jeri sukha maṁdam̐ dīrīnā
(||vittŏ||)
yĕṁgilim̐ buṭṭinamenu heyame vĕdagum̐gāga
sĕṁgaliṁchi pāvanama sesugonīnā
muṁgiḍidehigim̐ garmamulu muṁchugŏnum̐gāga
raṁguga śhrībadim̐ gŏlisi radigĕkkīnā
(||vittŏ||)
sedigi vachchinasŏmmu seridām̐sugŏnugāga
yedulam̐ dā nŏllanaṁṭā yīsaḍiṁchīnā
yīdala śhrīveṁkaḍeśhum̐ ḍichchina vijñānamu
āduma saṁtasiṁchum̐ gāgaṁdu vĕlidunnādā