విశ్వరూప మిదివో విష్ణురూప మిదివో
(॥పల్లవి॥)
విశ్వరూప మిదివో విష్ణురూప మిదివో
శాశ్వతులమైతి మింక జయము మా జన్మము
(॥విశ్వ॥)
కొండవంటి హరిరూపు గురుతైన తిరుమల
పండిన వృక్షములే కల్పతరువులు
నిండిన మృగాదులెల్ల నిత్యముక్త జనములు
మెండుగఁ బ్రత్యక్షమాయ మేలువో నా జన్మము
(॥విశ్వ॥)
మేడవంటి హరిరూపు మించైన పైఁడి గోపుర-
మాడనే వాలిన పక్షు లమరులు
వాడలఁ గోనేటిచుట్ల వైకుంఠనగరము
యీడ మాకుఁ బొడచూపె ఇహమేపో పరము
(॥విశ్వ॥)
కోటి మదనులవంటి గుడిలో చక్కని మూర్తి
యీటు లేని శ్రీవేంకటేశుఁడితఁడు
వాఁటపు సొమ్ములు ముద్ర వక్షపు టలమేల్మంగ
కూటువై నన్నేలితి యెక్కువవో నాతపము
(||pallavi||)
viśhvarūba midivo viṣhṇurūba midivo
śhāśhvadulamaidi miṁka jayamu mā janmamu
(||viśhva||)
kŏṁḍavaṁṭi harirūbu gurudaina tirumala
paṁḍina vṛkṣhamule kalbadaruvulu
niṁḍina mṛgādulĕlla nityamukta janamulu
mĕṁḍugam̐ bratyakṣhamāya meluvo nā janmamu
(||viśhva||)
meḍavaṁṭi harirūbu miṁchaina paim̐ḍi gobura-
māḍane vālina pakṣhu lamarulu
vāḍalam̐ goneḍisuṭla vaiguṁṭhanagaramu
yīḍa māgum̐ bŏḍasūbĕ ihamebo paramu
(||viśhva||)
koḍi madanulavaṁṭi guḍilo sakkani mūrdi
yīḍu leni śhrīveṁkaḍeśhum̐ḍidam̐ḍu
vām̐ṭabu sŏmmulu mudra vakṣhabu ṭalamelmaṁga
kūḍuvai nannelidi yĕkkuvavo nādabamu