(॥పల్లవి॥)
విశ్వప్రకాశునకు వెలి యేడ లో నేడ
శాశ్వతున కూహింప జన్మమిఁక నేడ
(॥విశ్వ॥)
సర్వపరిపూర్ణునకు సంచారమిఁక నేడ
నిర్వాణమూర్తికిని నిలయమిఁక నేడ
వుర్వీధరునకుఁ గాలూఁదనొక చోటేడ
పార్వతీ స్తుత్యునకు భావమిఁక నేడ
(॥విశ్వ॥)
నానాప్రభావునకు నడుమేడ మొదలేడ
ఆనన సహస్రునకు నవ్వలివ లేడ
మౌని హృదయస్థునకు మాటేడ పలుకేడ
జ్ఞాన స్వరూపునకుఁ గాన విననేడ
(॥విశ్వ॥)
పరమ యోగీంద్రునకు పరులేడ తా నేడ
దురితదూరునకు సంస్తుతి నింద లేడ
తిరువేంకటేశునకు దివ్యవిగ్రహ మేడ
హరికి నారాయణున కవుఁగాము లేడ
(||pallavi||)
viśhvapragāśhunagu vĕli yeḍa lo neḍa
śhāśhvaduna kūhiṁpa janmamim̐ka neḍa
(||viśhva||)
sarvabaribūrṇunagu saṁchāramim̐ka neḍa
nirvāṇamūrdigini nilayamim̐ka neḍa
vurvīdharunagum̐ gālūm̐danŏga soḍeḍa
pārvadī stutyunagu bhāvamim̐ka neḍa
(||viśhva||)
nānāprabhāvunagu naḍumeḍa mŏdaleḍa
ānana sahasrunagu navvaliva leḍa
mauni hṛdayasthunagu māḍeḍa palugeḍa
jñāna svarūbunagum̐ gāna vinaneḍa
(||viśhva||)
parama yogīṁdrunagu paruleḍa tā neḍa
duridadūrunagu saṁstudi niṁda leḍa
tiruveṁkaḍeśhunagu divyavigraha meḍa
harigi nārāyaṇuna kavum̐gāmu leḍa