విష్ణుదేవు పాదములే విద్యాబుద్ధీ మాకు
(॥పల్లవి॥)
విష్ణుదేవు పాదములే విద్యాబుద్ధీ మాకు
వైష్ణవులమైతి మింక వదలవో కర్మమా
(॥విష్ణు॥)
గోవిందుని పాదములే కోరి యిహపరములు
శ్రీవిభుని పాదములే చేరు వేదశాస్త్రములు
దేవదేవు పాదములే దిక్కును దెసయు మాకు
భావములో నిలిపితిఁ బాయరో పాపములు
(॥విష్ణు॥)
హరి పాదములే మాకు నన్నపాన భోగములు
పరమాత్ము పాదములే పాఁడీ బంటా మాకు
మురహరు పాదములే ముందరవెనకా మాకు
శరణంటి మెందైనాఁ జనరో దుఃఖములు
(॥విష్ణు॥)
అనంతుని పాదములే ఆయుష్య భౌష్యములు
దనుజారి పాదములే ధనధాన్య ధర్మములు
యెనలేని శ్రీవేంకటేశుడితని పాదాలే
మనసున గొలిచితి మానరో భవములు
(||pallavi||)
viṣhṇudevu pādamule vidyābuddhī māgu
vaiṣhṇavulamaidi miṁka vadalavo karmamā
(||viṣhṇu||)
goviṁduni pādamule kori yihabaramulu
śhrīvibhuni pādamule seru vedaśhāstramulu
devadevu pādamule dikkunu dĕsayu māgu
bhāvamulo nilibidim̐ bāyaro pābamulu
(||viṣhṇu||)
hari pādamule māgu nannabāna bhogamulu
paramātmu pādamule pām̐ḍī baṁṭā māgu
muraharu pādamule muṁdaravĕnagā māgu
śharaṇaṁṭi mĕṁdainām̐ janaro duḥkhamulu
(||viṣhṇu||)
anaṁtuni pādamule āyuṣhya bhauṣhyamulu
danujāri pādamule dhanadhānya dharmamulu
yĕnaleni śhrīveṁkaḍeśhuḍidani pādāle
manasuna gŏlisidi mānaro bhavamulu