എന്നെ നിന്‍ കണ്ണുകള്‍ തടവിലാക്കി
എന്നെ നിന്‍ യൗവ്വനം അടിമയാക്കി
ഏതിന്ദ്രജാല പ്രയോഗം കൊണ്ടു നീ
എന്നെ വശംവദയാക്കി നിന്‍ മുന്നില്‍
എന്നെ ദുര്‍ബലയാക്കി....
(എന്നെ നിന്‍ കണ്ണുകള്‍....)
പുഴയുടെ കൈകള്‍ പൊതിഞ്ഞുപിടിക്കും
പുരുഷസൗന്ദര്യമേ....
നീ പഞ്ചലോഹ മണികൃഷ്ണവിഗ്രഹം
പനിനീരാടിയ പോലെ
എന്‍ ചുരുള്‍മുടിയാല്‍ നിന്മെയ് തോര്‍ത്താന്‍
എന്നെ അനുവദിക്കൂ...എന്നെ അനുവദിക്കൂ...
ആഹാ...ആഹാ..ആഹാ...ആ....
(എന്നെ നിന്‍ കണ്ണുകള്‍.....)
മനസ്സിലെ പൂക്കള്‍ ചൊടികളില്‍ തൊടുക്കും
പ്രണയകൗശലമേ.....
നീ പഞ്ചബാണനിടം തോളിലിട്ടൊരു
പവിഴത്തൂണീരം പോലെ
എന്‍ മെയ്യാകെ നിന്‍ പൂമ്പൊടി ചാര്‍ത്താന്‍
എന്നെ അനുവദിക്കൂ...എന്നെ അനുവദിക്കൂ...
ആഹാ...ആഹാ..ആഹാ...ആ....
(എന്നെ നിന്‍ കണ്ണുകള്‍.....)
